რუსეთის ვორონეჟის ოლქის ოსტროგოჟის რაიონში ადვილად აალებადი ნივთიერებების საწყობზე გაჩენილი ხანძრისა და აფეთქებების გამო საგანგებო მდგომარეობა გამოცხადდა. ინფორმაციას ვორონეჟის ოლქის გუბერნატორი ალექსანდრე გუსევი ტელეგრამის საკუთარ არხზე ავრცელებს.

მისი თქმით, გვიან ღამით ოლქში უპილოტო საფრენი აპარატი შემოფრინდა, რომელიც ჩამოაგდეს. ჩამოგდებული საფრენი აპარატი ადვილად აალებადი ნივთიერებების საწყობს დაეცა, რამაც ცეცხლი და აფეთქებები გამოიწვია.

მიმდინარეობს ადგილობრივი მოსახლეობის ევაკუაცია. ადამიანები დროებითი განთავსების პუნქტებში გადაჰყავთ. ინფორმაცია დაშავებულების შესახებ არ ვრცელდება.