უკრაინის აღმოსავლეთით, დონეცკის ოლქში, კერძოდ, ბახმუტის რაიონში სასტიკი ბრძოლა გრძელდება. დღეს, უკრაინელმა სამხედროებმა განაცხადეს, რომ მათ შეძლეს რუსების თავდასხმების მოგერიება დონეცკის შვიდ დასახლებაში, ასევე მის მიმდებარედ, მათ შორის ბახმუტში. მათივე ინფორმაციით, რუსი ჯარისკაცები, დასავლეთიდან და ჩრდილო დასავლეთიდან, ბახმუტისკენ მიმავალი გზების გადაჭრას ცდილობენ.

„ქალაქში მხოლოდ 12 000 ადამიანი რჩება - ომამდე კი მოსახლეობა 80 000-ს შეადგენდა,“ - განაცხადა დონეცკის გუბერნატორმა პავლო კირილენკომ გვიან ღამით. მისივე თქმით, მოსახლეობას ელექტროენერგია და გაზი არ მიეწოდება.
ინფორმაციისთვის, რუსული სამხედრო ძალები ბახმუტის აღებას აგვისტოდან ცდილობენ.