მოსკოვისა და სრულიად რუსეთის პატრიარქმა კირილმა მხარეებს საშობაო ზავის დამყარებისკენ მოუწოდა. ამის შესახებ ნათქვამია რუსეთის მართლმადიდებელი ეკლესიის ოფიციალურ ვებგვერდზე გამოქვეყნებულ მიმართვაში.

„მოწოდებით მივმართავ შიდა კონფლიქტში ჩართულ ყველა მხარეს, 6 იანვრის 12:00 საათიდან 7 იანვრის 24:00 საათამდე შეწყვიტონ ცეცხლი, რათა მართლმადიდებლებმა შეძლონ დაესწრონ ღვთისმსახურებას შობის ღამეს“ - წერია პატრიარქ კირილის განცხადებაში.

ცნობისთვის, დეკემბრის ბოლოს რუსეთის მართლმადიდებელი ეკლესიის წინამძღვარმა განაცხადა, რომ რუსეთის დონბასში საომარ მოქმედებებში შესვლა იყო იმის შედეგი, რომ მისი სამშვიდობო ძალისხმევის საბოტაჟი განხორციელდა კიევის ხელისუფლებისა და დასავლეთის ქვეყნების მიერ.