“პოლონეთის მთავრობას ჯერჯერობით არ დაუდასტურებია, თუ რა მოხდა ზუსტად უკრაინასთან მისი საზღვრის სიახლოვეს,” - განაცხადა BBC-ის დიპლომატიურმა კორესპონდენტმა, პოლ ადამსმა.

თუმცა, მისივე თქმით, მედიაში გავრცელებული ფოტო-მასალით ნაჩვენებია კრატერი და ამობრუნებული ავტომისაბმელი, რომლებიც აშკარად მარცვლეულით იყო დატვირთული. 

„ვაშინგტონში, პენტაგონის სპიკერმა განაცხადა, რომ მან იცის ამ ცნობების შესახებ, მაგრამ არ აქვს მათი დამადასტურებელი ფაქტები [რომ ეს რუსეთმა წინასწარგანზრახულად გააკეთა]. 

მომხდართან დაკავშირებით რამდენიმე შესაძლო განმარტება არსებობს. რუსეთის ინტერესების სამიზნე პოლონური ფერმები არ არის; როგორც ჩანს, შესაძლოა, რაკეტები გაუმართავი იყო,“ - თქვა პოლ ადამსმა.