რუსეთის ძალებმა ხერსონში ჰიპერმარკეტი დაბომბეს, გარდაცვლილია სამი და დაშავებულია ხუთი ადამიანი. ამის შესახებ ინფორმაციას უკრაინული მედია შინაგან საქმეთა მინისტრ იგორ კლიმენკოზე დაყრდნობით ავრცელებს.

კლიმენკოს ცნობით, რუსმა ოკუპანტებმა ხერსონში ერთადერთ მომუშავე ჰიპერმარკეტზე დარტყმა დაახლოებით 11:00 საათზე განახორციელეს.

როგორც შინაგან საქმეთა მინისტრმა აღნიშნა, დაღუპულები და დაშავებულები მაღაზიის თანამშრომლები არიან. ადგილზე საგანგებო სამსახურები მუშაობენ.

„რუს მკვლელებთან მოლაპარაკება არ შეიძლება. საჭიროა მათი პასუხისგებაში მიცემა ან განადგურება“, – აღნიშნა იგორ კლიმენკომ.