რუსეთის სახელმწიფო დუმამ ოკუპირებულ აფხაზეთთან ორმაგი მოქალაქეობის საკითხების მოგვარების შესახებ შეთანხმების რატიფიცირება განახორციელა - იუწყება „რია ნოვოსტი“.

„რატიფიცირებულია რუსეთის ფედერაციასა და აფხაზეთის რესპუბლიკას შორის 2022 წლის 27 სექტემბერს მოსკოვში ხელმოწერილი ორმაგი მოქალაქეობის საკითხების მოგვარების შესახებ შეთანხმება“ - ნათქვამია კანონპროექტში.

მანამდე დოკუმენტი რატიფიცირებული იყო ე.წ. აფხაზეთის სახალხო კრების მიერ. ის მიზნად ისახავს რუსეთისა და აფხაზეთის „მოქალაქეობის“ მქონე პირთა სამართლებრივი სტატუსის დარეგულირებას და ასევე მოიცავს დებულებებს „რესპუბლიკის“ მოქალაქეების მიერ რუსეთის მოქალაქეობის მიღების გამარტივებული პროცედურის შესახებ.