აშშ-ის პრეზიდენტმა დონალდ ტრამპმა განაცხადა, რომ რუსეთი უკრაინასთან 30-დღიანი ზავის დადებას დათანხმდება.

„ვნახოთ, შევძლებთ თუ არა უკრაინაში სამშვიდობო შეთანხმების მიღწევას, ცეცხლის შეწყვეტას და მშვიდობის დამყარებას, ვფიქრობ, ჩვენ ამას შევძლებთ. ისინი ზავს დათანხმდებიან. 

მოსკოვთან სატელეფონო საუბრები უკვე მქონდა, მაგრამ ახლა ვუახლოვდებით კრიტიკულ ეტაპს და გვსურს, მთელ ამ სიტუაციაში გამოსავალი ვიპოვოთ რუსეთთან და უკრაინასთან. მჯერა, რომ კიევს მშვიდობის მიღწევა სურს“, - უპასუხა ტრამპმა ჟურნალისტს შეკითხვაზე - კიევის შემდეგ, დათანხმდება თუ არა მოსკოვი დაზავებას.