„მოსკალკოვამ თხოვნით მიმართა წითელი ჯვრის საერთაშორისო კომიტეტის პრეზიდენტს, პიტერ მაურერს და წითელი ჯვრის საერთაშორისო კომიტეტის მისიის ხელმძღვანელს უკრაინაში, ფლორენს ჟილეტს, რათა დაიცვან უკრაინაში ტყვედ ჩავარდნილი რუსი სამხედროების უფლებები, დაეხმარონ მათ თავიანთი საცხოვრებელი ადგილის დადგენაში და უზრუნველყონ მათი უფლებები საერთაშორისო კანონმდებლობით, მათ შორის სამედიცინო დახმარების უფლებით“, - წერია განცხადებაში.

რუსეთის ომბუდსმენის ვებსაიტზე ასევე ნათქვამია, რომ მოსკალკოვამ მიმართა უკრაინელ ომბუდსმენს ლუდმილა დენისოვას და მოუწოდა მას „დატყვევებული რუსი ჯარისკაცების წამების თავიდან ასაცილებლად ზომები მიეღო“.