რუსეთი დროებით ცეცხლს წყვეტს - მშვიდობიანი მოსახლეობის ევაკუაციისთვის ჰუმანიტარული დერეფნები იხსნება

07/03/2022

15:07

A-

რუსეთი უკრაინის რამდენიმე ქალაქში ჰუმანიტარულ დერეფნებს გახსნის, რათა მშვიდობიან მოსახლეობას ევაკუაციის საშუალება მიეცეს, - ამის შესახებ BBC იუწყება.

რუსეთის თავდაცვის სამინისტროს ცნობით, ცეცხლის შეწყვეტა ადგილობრივი დროით 09:00 საათიდან (თბილისის დროით 11:00 საათიდან) დაიწყება. ევაკუაციის მარშრუტები უკვე შეიქმნა დედაქალაქ კიევში, ხარკოვში, მარიუპოლსა და სუმში.

ყველა აღნიშნული ქალაქი ამჟამად რუსი სამხედროების თავდასხმის ქვეშ იმყოფება.

უკრაინელი ოფიციალური პირები ჰუმანიტარული დერეფნების გახსნის შესახებ გავრცელებულ ინფორმაციას ჯერ არ ადასტურებენ.

314