როგორც აშშ-ის პრეზიდენტმა დონალდ ტრამპმა განაცხადა, უკრაინასთან ომის დასრულების მოლაპარაკებების ფარგლებში, რუსეთი „დათმობებზე მიდის“ და კიევი „კმაყოფილია“ მოლაპარაკებების მიმდინარეობით.
„ჩვენ პროგრესს მივაღწიეთ შეთანხმებასთან დაკავშირებით და მზად ვარ, შევხვდე როგორც ვლადიმერ პუტინს, ასევე ვოლოდიმირ ზელენსკის, როგორც კი შეთანხმებას მივუახლოვდებით. ჩემს მიერ გამოცხადებული ვადა ხუთშაბათისთვის, რომელიც მადლიერების დღეა, უკვე გაუქმდა და თეთრი სახლის თავდაპირველი 28-პუნქტიანი სამშვიდობო გეგმა, რომელმაც კიევში ასეთი შეშფოთება გამოიწვია, მხოლოდ უხეში მონახაზი იყო,” - განაცხადა ტრამპმა რეპორტიორებთან საუბრისას.
კითხვაზე, მოსთხოვეს თუ არა უკრაინას ძალიან დიდი ტერიტორიის დათმობა, ტრამპმა დასძინა, რომ „რამდენიმე თვეში, რუსეთმა შესაძლოა ეს მიწა მაინც მიიღოს მომდევნო.”
“მოსკოვის დათმობები ბრძოლის შეწყვეტის დაპირებაა და ისინი მეტ მიწას აღარ დაიკავებენ. ჩემთვის ბოლო ვადა ამოუწურება მაშინ, როდესაც ყველაფერი დასრულდება. მე ვფიქრობ, რომ ამ მომენტში ყველა დაიღალა ბრძოლით.
ორ მხარეს შორის მხოლოდ რამდენიმე უთანხმოების საკითხი რჩება მოსაგვარებელი. სტივ უიტკოფი მომავალ კვირას მოსკოვში შეხვდება პუტინს, ხოლო ამერიკის არმიის მდივანი დენიელ დრისკოლი ამ კვირაში კიევში მოლაპარაკებებისთვის გაემგზავრება“, - თქვა ტრამპმა.
0
0
