რუსეთი ბრიტანეთის საელჩოს თანამშრომელს აძევებს. მას ბრალად ედება ბრიტანეთის სპეცსამსახურებისთვის მუშაობა დიპლომატიური საფარქვეშ

რუსეთის საგარეო საქმეთა სამინისტრომ მოსკოვში დიდი ბრიტანეთის საელჩოს თანამშრომელს აკრედიტაცია გაუუქმა. მან ქვეყანა ორი კვირის განმავლობაში უნდა დატოვოს — ნათქვამია რუსეთის საგარეო უწყების ვებგვერდზე გამოქვეყნებულ ინფორმაციაში.

ეფ-ეს-ბეს (FSB) პრესსამსახურმა განაცხადა, რომ ძალოვნებმა „გამოავლინეს ბრიტანეთის სპეცსამსახურების არადეკლარირებული თანამშრომელი დევის გარეთ სამიუელი, რომელიც რუსეთში მოსკოვში დიდი ბრიტანეთის საელჩოს ადმინისტრაციულ-სამეურნეო განყოფილების მეორე მდივნის საფარქვეშ იყო მივლენილი“.

2025 წლის მარტში რუსეთმა ორ ბრიტანელ დიპლომატს, ალკეშ ოდედრასა და მაიკლ სკინერს, აკრედიტაცია გაუუქმა და მათ „სადაზვერვო-სამუშაო“ საქმიანობაში დასდო ბრალი. მანამდე, 2025 წლის თებერვალში, დიდი ბრიტანეთის საგარეო საქმეთა სამინისტრომ რუს დიპლომატს აკრედიტაცია ჩამოართვა, რაც იყო საპასუხო რეაქცია 2024 წლის ნოემბერში მოსკოვიდან ბრიტანეთის საელჩოს თანამშრომლის, უილკს ედვარდ პრაიორის გაძევებაზე.