კულებას თქმით, მან რამდენჯერმე კონსტრუქციულად მიმართა მინისტრ ლავროვს თხოვნით, სასწრაფოდ გადაეწყვიტათ ჰუმანიტარული საკითხები.

რაც შეეხება ცეცხლის შეწყვეტას, უკრაინელი დიპლომატი აღნიშნავს, რომ რუსეთს სურს, უკრაინა ჩაბარდეს.

„ჩემი შთაბეჭდილებაა, რომ რუსეთი ახლა არ არის იმ პოზიციაზე, რომ ცეცხლის შეწყვეტის რეჟიმი დააწესოს. მათ სურთ, უკრაინა ჩაბარდეს, ეს ის არ არის, რასაც ისინი მიიღებენ. უკრაინა არის ძლიერი, უკრაინა იბრძვის, უკრაინამ ჩაშალა რუსეთის თავდაპირველი გეგმები. ჩვენ მზად ვართ, ვეძებოთ დაბალანსებული დიპლომატიური გამოსავალი, რათა დავასრულოთ ეს ომი, თუმცა ჩვენ არ დავნებდებით“, – განაცხადა კულებამ.