რუსეთ-უკრაინას შორის პოტენციური ცეცხლის შეწყვეტა ამ ეტაპზე ნაკლებად სავარაუდოა, - ამის შესახებ გაეროს გენერალურმა მდივანმა ანტონიუ გუტერეშმა განაცხადა. 
 

„ამჟამად უკრაინაში ცეცხლის შეწყვეტა შეუძლებელი ჩანს. გაერო ყურადღებას ევაკუირებულთა მხარდაჭერასა და ჰუმანიტარული დახმარების გაძლიერებაზე ამახვილებს“, - განაცხადა გუტერეშმა.

გარდა ამისა, გუტერეშმა აღნიშნა, რომ გაერომ რუსეთს მშვიდობიანი მოსახლეობის ევაკუაციის უზრუნველყოფაში ჩართვა შესთავაზა, თუმცა მოსკოვისგან პასუხი ჯერ არ მიუღია.

„ბევრი რამ შეიძლება გაკეთდეს იმისათვის, რომ გარანტირებული იყოს მშვიდობიანი მოსახლეობის ევაკუაცია“, - აღნიშნა გაეროს გენერალურმა მდივანმა.