უკრაინის პრეზიდენტის წარმომადგენელი სამხედროთა უფლებების დაცვის საკითხებში ალიონა ვერბიცკა აცხადებს, რომ ამჟამად რუსების ტყვეობაში დაახლოებით 3 400 უკრაინელი სამხედრო იმყოფება.

მისივე თქმით, 15 000 ადამიანი უგზო-უკვლოდ დაკარგულია.

„რუსეთმა ამჟამად დაადასტურა 3 392 უკრაინელი სამხედრო ტყვის შესახებ ინფორმაცია, მაგრამ დაახლოებით 15 000 ადამიანი უკრაინაში უგზო-უკვლოდ დაკარგულად ითვლება, მათ შორის ბევრი მშვიდობიანი მოქალაქეა. უცნობია, არიან თუ არა ეს ადამიანები ტყვეობაში, ოკუპირებული ტერიტორიებიდან გაყვანილი თუ მოკლული. ჩვენ არ ვიცით რა დაემართათ მათ“, - განაცხადა ვერბიცკამ.