რომის პაპმა ჰიროშიმას დაბომბვის 80 წლისთავზე ბირთვული შეკავების სისტემა გააკრიტიკა.

ლეო მე-XIV-მ, აშშ-ში დაბადებულმა პირველმა პაპმა განაცხადა, რომ ჰიროშიმაში მომხდარი ნგრევა, რომელმაც მყისიერად დაახლოებით 78 000 ადამიანი იმსხვერპლა, საყოველთაო გაფრთხილებას უნდა წარმოადგენდეს ბირთვული იარაღით გამოწვეული ნგრევის შესახებ.

„ვიმედოვნებ, თანამედროვე სამყაროში, რომელიც ძლიერი დაძაბულობითა და სისხლიანი კონფლიქტებით ხასიათდება, ურთიერთგანადგურების საფრთხეზე დაფუძნებული ილუზორული უსაფრთხოება ადგილს დაუთმობს სამართლიანობის ინსტრუმენტებს, დიალოგის პრაქტიკას და ძმობისადმი ნდობას“, – განაცხადა რომის პაპმა.

ცნობისთვის, იაპონიაში ჩუმი ლოცვა აღევლინა, რომელიც აშშ-ის მიერ ჰიროშიმაში ატომური ბომბის ჩამოგდებიდან 80 წლისთავს მიეძღვნა.