რომის პაპს შაბათს, რომში, სანტა მარია მაჯორეს ბაზილიკაში დაკრძალავენ. ეს თავად პაპის სურვილი იყო, რაზეც მან ანდერძში ისაუბრა. მანამდე ვატიკანი სამძიმრის გზავნილებს მსოფლიოს სხვადასხვა ქვეყნიდან იღებს. სამძიმრის წიგნი გაიხსნა თბილისშიც, წმინდა საყდრის სადესპანოში.

პაპის სულის მოსახსენიებელი ლიტურგია კი პარასკევს "თბილისის ღვთისმშობლის ამაღლების კათოლიკურ ტაძარში" აღევლინება.

"ყველას შეუძლია, შემოვიდეს და დატოვოს სამძიმრის სიტყვა. წიგნი შემდეგ დარჩება ვატიკანში. ვფიქრობ, არის ძალიან მნიშვნელოვანი ხალხისთვის ეს ჟესტი, ვინაიდან, პაპი ფრანცისკე საქართველოში იყო და ბევრი ადამიანის გულში დარჩა," - ამბობს საქართველოში კათოლიკური ეკლესიის მთავარეპისკოპოსი, ჯუზეპე პაზოტო.