პარლამენტის დიასპორისა და კავკასიის საკითხთა კომიტეტის თავმჯდომარის, ირაკლი ზარქუას განცხადებით, როგორც ელჩების მხრიდან, ასევე საერთაშორისო ორგანიზაციების მხრიდან, არც ერთხელ არ ყოფილა დაგმობა იმ მავნებლობების, რაც ხდებოდა რუსთაველის ქუჩაზე.

ზარქუას განცხადებით, ძალადობის დაგმობის ნაცვლად, მათი მხრიდან ძალადობისკენ წახალისება, შექება და მხარდაჭერა ხდებოდა.

"როგორც ელჩების მხრიდან, ასევე საერთაშორისო ორგანიზაციების მხრიდან, არც ერთხელ არ ყოფილა დაგმობა იმ მავნებლობების, რაც ხდებოდა რუსთაველის ქუჩაზე. როგორ ხდებოდა შეტევა, მათ შორის, შენობებზე. განსხვავებული აზრის მქონე ადამიანების და თანამდებობის პირების ბულინგზე არც ერთი განცხადება არ გაკეთებულა. პირიქით, ხდებოდა წახალისება ძალადობისკენ, შექება და მხარდაჭერა. საკუთარ ქვეყანას მიხედეთ, სატარიფო ომი გაქვთ, ქვეყანა თავზე დაგენგრათ, ინფლაცია მაღალი გაქვთ, უმუშევრობა იზრდება და მაინც იცლით, რომ საქართველოში ქვეყანა არიოთ და ისიც ხელმოცარულად. სხვა ქვეყნების თემებში რატომ ერევით, მით უმეტეს შეზღუდული გაქვთ თქვენ ეს უფლებამოსილება. ეს არ შედის თქვენს კომპეტენციაში და მაინც ჯიუტად ცდილობთ, იმიტომ რომ არ გასვენებთ ის "დიფ სთეითი", ვინც თქვენს უკან დგას", - განაცხადა ირაკლი ზარქუამ.