ქუთაისში ინტერვენციული მედიცინის ცენტრის მიმდებარედ საქვაბეს შენობაში მომხდარი აფეთქების შედეგად ორი ადამიანი დაშავდა. მათ პირველად სამედიცინო დახმარება ჩაუტარდათ.

დაშავებულების სიცოცხლეს საფრთხე არ ემუქრება.

აფეთქების შედეგად შენობა მთლიანად დაინგრა.

“აფეთქების ხმა იმდენად ძლიერი იყო, რომ მიწისძვრა გვეგონა. გარეთ რომ გამოვედით, შენობა დანგრეული დაგვხვდა”, აცხადებენ თვიმხილველები.

მათივე ინფორმაციით, დანგრეულია ის შენობა, სადაც საავადმყოფოს გათბობის სისტემა იყო დამონტაჟებული. 

ადგილზე საგამოძიებო მოქმედებები გრძელდება. ტერიტორია ყვითელი ლენტითაა შემოსაზღვრული.

წყარო: ფოტო/ინფორმაცია “ინფოიმერეთი”