შესყიდვების სააგენტოზე ატვირთული დოკუმენტების მიხედვით, თბილისისთვის 18-მეტრიანი ავტობუსების შესაძენად ტენდერში გამარჯვებული გამოვლინდა.

ტენდერის ღირებულება 1 618 759 ლარია. ჯამში, დედაქალაქს 160 ახალი 18-მეტრიანი ავტობუსი ეყოლება.

ოფიციალური დოკუმენტის მიხედვით, ტრანსპორტის მახასიათებლები შემდეგნაირად გამოიყურება:

🔴 მწარმოებელი - MAN;

🔴 მოდელი - MAN Lion's City 18C;

🔴 გამძლეობა - 12 წელი და 1 020 000 კმ;

🔴 გამოშვების თარიღი - 2023 წელი;

🔴 სიგრძე - 18,06 მეტრი;

🔴 სიგანე - 2,55 მეტრი;

🔴 სიმაღლე - 3,34 მეტრი;

🔴 კარების რაოდენობა - 4 (შიდაგაღების ორფრთიანი);

🔴 იატაკი: მთლიან სამგზავრო სივრცეში იქნება დაბალი, გარდა ბორბლებისა და ძრავის სივრცეებისა;

🔴 ტევადობა: 162 მგზავრი (43 დასაჯდომი, მძღოლის ადგილი, 2 დასაკეცი სავარძელი, შშმ პირებისთვის 1 ეტლის ადგილი);

🔴 მაქსიმალური სიჩქარე - 80 კმ/სთ;

🔴 შესაძლებლობა: შეუძლია 18%-იან დახრილობაზე ასვლა;

🔴 ფერი: დამკვეთთან შედარებით სამ ფერში;

🔴 გათბობა-გაგრილება: ავტობუსს ექნება კონდიცირების სისტემა და შესაძლებელი იქნება ფანჯრების გახსნა;

🔴 ელექტრონული მოწყობილობები: WiFi (2 SIM სლოტი) - 100 მგზავრის წვდომის შესაძლებლობით, USB დამტენები, გამოცხადების სისტემა, საინფორმაციო დაფა.

ტენდერში კომპანია „თეგეტა მოტორსმა“ გაიმარჯვა, თუმცა ხელშეკრულება ჯერ არ დადებულა.