პოლიციის ცნობით, ამერიკელი კინომსახიობის, რობერტ დე ნიროს სახლში უცნობი ქალი შეიჭრა და ნაძვის ხის ქვეშ მოთავსებული საშობაო საჩუქრების მოპარავა სცადა. შემთხვევა მანჰეტენზე, ზემო ისტ-საიდში მდებარე სახლში 19 დეკემბერს, დილით, მოხდა. 

პოლიციამ 30 წლის შენის ევილსი ქურდობის ბრალდებით დააკავა. სამართალდამცავები ევილსის გადაადგილებას აკვირდებოდნენ, რადგან ის სხვა კრიმინალური დანაშაულებისთვისაც იდევნებოდა. მძარცვველი სახლში შეჭრისთანავე დააკავეს, როცა ის საჩუქრებს ჩანთაში იწყობდა.  დე ნირო ინციდენტის დროს სახლში იმყოფებოდა.

პოლიციის განცხადებით, მსახიობსა და მძარცველს შორის არანაირი კავშირი არ არსებობს.  რობერტ დე ნიროს ინციდენტთან დაკავშირებით კომენტარი არ გაუკეთებია.