“ნაცმოძრაობის” თავმჯდომარე, ლევან ხაბეიშვილი რიკოთზე ავტომობილების გადაადგილების შეზღუდვას გამოეხმაურა: 

,,✅ რიკოთის დაკეტვა გაურკვეველი დროით, ცხადია კავშირშია 9 აპრილის აქციასთან… უკანასკნელი რამდენიმე კვირაა, “ერთიან ნაციონალურ მოძრაობას” გვაქვს შეხვედრები დასავლეთ საქართველოში … რუსულმა ოცნებამ, ზუსტად იცის ხალხის განწყობა და შესაბამისად მოიფიქრეს შემდეგი “გადაწყვეტა” …

✅ ათასობით ჩვენი მოქალაქის სურვილია, დაესწროს ევროპის მხარდამჭერ აქციას – 9 აპრილს და რუსულმა ოცნებამ ფაქტობრივად გზა დაკეტა იმისთვის, რომ შეუძლებელი გახდეს ადამიანების ჩამოსვლა დედაქალაქში.

✅ დარწმუნებული ვარ, ეს ვერ იქნება შემაფერხებელი და მეტიც – ახლა გაათმაგებული ენერგიითა და მოტივაციით, უნდა მოვემზადოთ 9 აპრილისთვის. ეს არის ჩვენი ხალხის ურყევი ნების დაფიქსირების, გამოხატვის დღე და სრულიად მსოფლიომ უნდა ნახოს – არ დავნებდებით და ვიბრძოლებთ ჩვენი ევროპული მომავლისთვის", აცხადებს ლევან ხაბეიშვილი.