რეპუტაციული პრობლემაა, რომ თავდაცვაში ამერიკა არ გეხმარება და უზარმაზარ მონსტრთან მარტო ხარ დარჩენილი, – ამის შესახებ პარტია „გირჩის“ ლიდერმა, იაგო ხვიჩიამ საქართველოს პირველ არხს განუცხადა.

მისივე თქმით, „ქართული ოცნების“ ქცევა ქართული ჯარისა და დასავლელი პარტნიორების მიმართ უსამართლოა.

„უსამართლობა „ქართული ოცნების“ ქცევაა დასავლელი პარტნიორებისა და ქართველი ჯარისკაცების მიმართ. როცა ამბობენ, ქართული ჯარი რაღაცაში მონაწილეობდა და დღეს რატომ არ მონაწილეობსო, მათი ქმედებების გამო ხომ არა? რეპუტაციული პრობლემაა, რომ თავდაცვაში ამერიკა არ გეხმარება და უზარმაზარ მონსტრთან მარტო ხარ დარჩენილი. ეს არის მთავარი უპასუხისმგებლობა“, – აღნიშნა ხვიჩიამ.