ნიუ-იორკის ფედერალურ სასამართლოში შეტანილი სარჩელის თანახმად, 2000 წელს, შონ "დიდი" ქომბსის მიერ ორგანიზებულ წვეულებაზე, ამერიკელმა რეპერმა ჯეი-ზიმ 13 წლის გოგონა გააუპატიურა. ჯეი-ზიმ ბრალდებები უარყო და მოსარჩელის ადვოკატი ტონი ბაზბი "შანტაჟის მოწყობის მცდელობაში" დაადანაშაულა. ჯეი-ზის ადვოკატებმა Reuters-ს არ უპასუხეს კომენტარის გაკეთების მოთხოვნაზე.
შესწორებულ სარჩელში ნათქვამია, რომ ჯეი-ზიმ და ქომბსმა გოგონას ნარკოტიკები მიაღებინეს და შემდეგ ის გააუპატიურეს. ინციდენტი იმ წვეულებაზე მოხდა, როდესაც ქომბსმა [2000 წელს] ნიუ-იორკში MTV Music Awards-ს უმასპინძლა.
Reuters-ისთვის მიწერილ წერილში ბაზბიმ განაცხადა, რომ ჯეი-ზის საწინააღმდეგოდ აღძრულ სარჩელს დამატებითი ახსნა-განმარტება ან მტკიცებულებებით დადასტურება აღარ სჭირდება.