უკრაინის საგარეო უწყების ხელმძღვანელის თქმით, ერთადერთი სახელმწიფო ენა უკრაინაში არის და იქნება უკრაინული.

„მოლაპარაკების ძირითადი თემების ოთხ ან სხვა რაოდენობად კლასიფიკაცია არასწორია“, – თქვა კულებამ.

უკრაინის საგარეო საქმეთა მინისტრის განცხადებით, დელეგაციების ქვეჯგუფებში ერთდროულად ბევრი სხვადასხვა საკითხი განიხილება და უკრაინა დაჟინებით მოითხოვს, პირველ რიგში, ცეცხლის შეწყვეტას, უკრაინის უსაფრთხოებისა და ტერიტორიული მთლიანობის გარანტიებს. კულებამ მადლობა გადაუხადა თურქულ მხარეს და პრეზიდენტ ერდოღანს პოლიტიკური და ჰუმანიტარული დახმარებისთვის, ასევე დიპლომატიური ძალისხმევისთვის, რათა დასრულდეს რუსეთის ომი უკრაინის წინააღმდეგ.

„ვიმედოვნებთ, რომ თურქეთი, როგორც უკრაინის მეგობარი და სტრატეგიული პარტნიორი, ასევე გააგრძელებს მხარდაჭერას ყველა გზაზე. ასევე ვისარგებლებ შემთხვევით და შეგახსენებთ, რომ რუსეთის წინააღმდეგ ახალი სანქციების დაწესება და უკრაინის თავდაცვისუნარიანობის გაძლიერება არანაკლებ მნიშვნელოვანი ფაქტორებია რუსული საომარი მანქანის შესაჩერებლად და მოლაპარაკებებში სასურველი პროგრესის მისაღწევად. ასეთი სამგანზომილებიანი სტრატეგია – სანქციები, სამხედრო მხარდაჭერა, მოლაპარაკებები – კითხვის ნიშნის ქვეშ არ უნდა დადგეს“,- თქვა კულებამ.

თურქეთის პრეზიდენტმა, რეჯეფ თაიფ ერდოღანმა დღეს განაცხადა, რომ უკრაინამ და რუსეთმა მოლაპარაკებებში ექვსიდან ოთხ საკითხზე ურთიერთგაგებას მიაღწიეს.

„თავდაპირველად, უკრაინა ჩამოკიდებული იყო ამ საკითხზე, მაგრამ მოგვიანებით, ზელენსკიმ დაიწყო საუბარი რომ შესაძლოა, უარი თქვას ნატო-ს წევრობაზე. კიდევ ერთი საკითხია რუსულის ოფიციალურ ენად მიღება. ეს ზელენსკიმაც აღიარა. რუსული არის ენა, რომელზეც თითქმის ყველგან საუბრობენ უკრაინაში. არც ამ ეტაპზეა პრობლემა”, – თქვა ერდოღანმა.