მზია ამაღლობელი, რომელიც ციხეშია, სცემეს და ახლა მისი ჯანმრთელობის მდგომარეობა უარესდება. მხედველობას კარგავს, არ აქვს სათანადო სამედიცინო მკურნალობა, – ამის შესახებ ევროპარლამენტარმა რასა იუკნევიჩიენემ ევროპარლამენტში საქართველოსთან დაკავშირებით რეზოლუციის მიღების შემდეგ განაცხადა.

იუკნევიჩიენეს თქმით, „საქართველოში დამოუკიდებელი მედია ჩამოშლის პირასაა“.

„ვიყენებ შესაძლებლობას, რომ იმ ჟურნალისტებმა, რომლებიც აქ იმყოფებიან და გვისმენენ, ასევე ევროპულმა მედიაორგანიზაციებმა ყურადღება მიაქციონ, განსაკუთრებით მზია ამაღლობელის მდგომარეობას. ჟურნალისტისას, რომელიც ციხეშია, სცემეს და ახლა მისი ჯანმრთელობის მდგომარეობა უარესდება. მხედველობას კარგავს, არ აქვს სათანადო სამედიცინო მკურნალობა“, – განაცხადა რასა იუნკევიჩიენემ.