რამზან კადიროვს 49 წლის იუბილეზე მეორედ მიენიჭა ჩეჩნეთის გმირის წოდება. წოდების მინიჭების შესახებ ბრძანებულებას, კანონის თანახმად, თავად ჩეჩნეთის მეთაურმა უნდა მოაწეროს ხელი.

როგორც „კავკაზსკი უზელი“ იტყობინება, რამზან კადიროვი ჩეჩნეთის გმირის წოდების პირველი მფლობელი 2023 წლის 24 თებერვალს გახდა. კადიროვის მიერ ხელმოწერილი ბრძანებულების თანახმად, ამ წოდებას ჩეჩნეთის მეთაური ანიჭებს.

49 წლის იუბილეზე კადიროვმა მეორედ მიიღო ჩეჩნეთის გმირის წოდება. ჯილდო მას ჩეჩნეთის პრემიერ-მინისტრმა მაგომედ დაუდოვმა გროზნოში ახალი სამთავრობო კომპლექსის გახსნისას გადასცა.