ლილოს დასახლებაში მკვლელობა მოხდა.

არსებული ინფორმაციით, რესტორან "კახელების" მიმდებარე ქუჩაზე, 40 წლამდე მამაკაცს ავტომობილში ესროლეს.

თვითმხილველების ინფორმაციით, თავდაპირველად გაისმა რამდენიმე გასროლისა და შემდეგ, ძლიერი დაჯახების  ხმაც. 

ავტომობილი, რომლის მძღოლი სავარაუდოდ ადგილზე დაიღუპა, იქვე მდგომ ე.წ. ნარჩენების სატვირთო მანქანას დაეჯახა. 

შინაგან საქმეთა სამინისტროს ცნობით, მომხდარის შესახებ გამოძიება სისხლის სამართლის კოდექსის 108-ე მუხლით დაიწო, რაც განზრახ მკვლელობას გულისხმობს.

გავრცელებული ინფორმაციით, მკვლელობა რამდენიმე საათის წინ მოხდა. მომხდარის სხვა დეტალები ამ დროისთვის, უცნობია.

ადგილზე მობილიზებული არიან სამართალდამცველები, კრიმინალური პოლიციის თანამშრომლები და მიმდინარეობს საგამოძიებო მოქმედებები.