ფინანსთა სამინისტროს ხაზინა 2024 წლის პირველი კვარტალის ბიუჯეტის შესრულების ანგარიშს აქვეყნებს. ანგარიშის მიხედვით, პერიოდის განმავლობაში სახელმწიფო ბიუჯეტმა 5.2 მილიარდი ლარის საგადასახადო შემოსავალი მიიღო, რაც ბიუჯეტის კანონით განსაზღვრული კვარტალის გეგმის 100.1%-ია.

კონკრეტული გადასახადების მიხედვით, ბიუჯეტის შესრულება ასე ნაწილდება:

• დღგ - 1.73 მილიარდი ლარი, გეგმის 102.4%;
• საშემოსავლო გადასახადი - 1.6 მილიარდი ლარი, გეგმის 98.7%;
• მოგების გადასახადი - 620 მილიონი ლარი, გეგმის 57%;
• აქციზის გადასახადი - 515 მილიონი ლარი, გეგმის 113%.

რაც შეეხება ბიუჯეტის შემოსავლების სხვა წყაროებს - პრივატიზებიდან პირველ კვარტალში მობილიზებულია 60.9 მილიონი ლარი, რაც პირველი კვარტალის გეგმის 169%-ია.