როგორც ისრაელის არმიის რადიო GLZ იუწყება, თუ „ჰამასთან“ ცეცხლის შეწყვეტის შესახებ შეთანხმება "უახლოეს დღეებში" არ იქნება მიღწეული, ღაზას სამხრეთ ქალაქ რაფაჰზე თავდასხმის გეგმა განხორციელდება.
სოციალურ მედიაში გამოქვეყნებული პოსტის თანახმად, "რაფაჰში სამხედრო ოპერაციის დაწყების ბრძანება გაიცემა", თუ "მოლაპარაკებების შედეგად", რამდენიმე დღის განმავლობაში პროგრესი არ იქნება მიღწეული. Aljazeera იუწყება, რომ „ჰამასის“ მომლაპარაკებლები წერილობით პასუხს ამზადებენ ცეცხლის 40-დღიან შეწყვეტაზე შეთანხმების შესახებ.
როგორც „ჰამასის“ მაღალჩინოსანმა ოსამა ჰამდანმა Aljazeera-ს განუცხადა, აშკარაა, რომ ისრაელს ჯერ კიდევ არ სურს "ცეცხლის სრული შეწყვეტა", რაც პალესტინის ისლამისტური დაჯგუფების მთავარი მოთხოვნაა.