როგორც პალესტინის „წითელი ნახევარმთვარის საზოგადოების“ (PRCS) პრესსპიკერმა ნებალ ფარსახმა განაცხადა, ღაზაში პალესტინელებისთვის წასასვლელი ადგილი არსად დარჩა.

„რაფაჰში ღაზას მოსახლეობის თითქმის ნახევარი რჩება. ღაზაში ომის დაწყებიდან, ისრაელის მიერ ევაკუაციის შესახებ ბრძანების გაცემის შემდეგ, ხალხი რაფაჰში გარბოდა. ოჯახები უკვე 10-ჯერ ევაკუირდა.  საკითხავია – სად უნდა წავიდეს ეს ხალხი? საერთოდ არ არსებობს უსაფრთხო ადგილი და ევაკუაციის საშუალება. გარდა ამისა, ინფრასტრუქტურა სრულად განადგურებულია და ტრანსპორტის გარეშეც შეუძლებელია ადამიანების გადაადგილება,“ - დასძინა ფარსახმა.