უმაღლესი რადას სახელით 30-ზე მეტ სახალხო დეპუტატს სურს მიმართოს მინისტრთა კაბინეტს, გაწყვიტოს მოსკოვის საპატრიარქოს უკრაინის მართლმადიდებლურ ეკლესიასთან პოჩაევის მიძინების ლავრის შენობების იჯარის ხელშეკრულება.
ინფორმაცია უმაღლესი რადას ვებგვერდზეა განთავსებული.
შესაბამისი #9179 დადგენილების პროექტი პარლამენტში 3 აპრილს დარეგისტრირდა.
ის წარმოადგინეს დეპუტატებმა სხვადასხვა ფრაქციებიდან და ჯგუფიდან - კერძოდ, „ხალხის მსახურიდან“, „ჰოლოსიდან“, „ევროპული სოლიდარობიდან“ და ჯგუფიდან „მომავლისთვის“.
ამჟამად დოკუმენტის ტექსტი რადას ვებგვერდზე არ არის ხელმისაწვდომი.
ცნობისთვის: პოჩაევოს მიძინების ლავრა არის მართლმადიდებლური მამათა მონასტერი პოჩაევში, კრემენეცკის რაიონში, ტერნოპოლის რეგიონში. ის სიდიდით მეორეა კიევო-პეჩორსკის ლავრის შემდეგ. მონასტერი იჯარით არის აღებული უკრაინის მართლმადიდებელი ეკლესიის მოსკოვის საპატრიარქოს მიერ.
0
0
