„ჩვენი შეიარაღებული ძალები ყველაფერს აკეთებენ იმისათვის, რომ მტერს უკრაინის წინააღმდეგ ომის გაგრძელების ნებისმიერი სურვილი წაართვან. რუსული ჯარების დანაკარგები უზარმაზარია. მე-17 დღეს ოკუპანტების დანაკარგების დინამიკა ისეთია, რომ თამამად შეიძლება ითქვას, ეს არის ყველაზე დიდი დარტყმა რუსული არმიისთვის ბოლო ათწლეულების განმავლობაში.
უკრაინელებო! მინდა, რომ სწორად გამიგოთ. არაჩვეულებრივი წარმატება გვაქვს, ჩვენი წინააღმდეგობა რუსების მიმართ უკვე შევიდა ისტორიაში, მაგრამ ჩვენ არ გვაქვს უფლება, შევამციროთ თავდაცვის ინტენსივობა. რაც არ უნდა გაგვიჭირდეს, ჩვენ არ გვაქვს გაჩერების უფლება. რუსები ტერორს იყენებენ ჩვენი გამარჯვებისა და უკრაინის რწმენის გასატეხად. დარწმუნებული ვარ, ისინი წარმატებას ვერ მიაღწევენ.
ყველა ჩვენგანს, ყველა უკრაინელს მივმართავ: ჯერ კიდევ უნდა გავაგრძელოთ ჩვენი სახელმწიფოს დაცვაზე ორიენტირებული მუშაობა, ერთად ვიმუშაოთ შიდა განხეთქილების გარეშე, ერთმანეთის მხარდაჭერით. მთელი ქვეყნის მასშტაბით - უჟგოროდიდან მელიტოპოლამდე, ჩერნიგოვიდან მარიუპოლამდე, ლვივიდან ხარკოვამდე“, - განაცხადა ზელენსკიმ.
0
0
