UFC-ის მიერ გავრცელებული ოფიციალური ინფორმაციის თანახმად, ქვემსუბუქი წონის ჩემპიონი ილია თოფურია საჩემპიონო ქამარს 26 ოქტომბერს დაიცავს.

ქართველი მებრძოლის მეტოქე ამერიკელი მაქს ჰოლოუეი იქნება, რომელიც წარსულში ამავე წონის ჩემპიონის ტიტულს უკვე ფლობდა.

უცხოური გამოცემის Sporty Salaries-ს მიხედვით, ილია თოფურიას და მაქს ჰოლოვეის სატიტულო ბრძოლა საკმაოდ შემოსავლიანი იქნება.

თოფურიას გარანტირებულად აქვს უკვე 750 000 დოლარი გამომუშავებული. გამარჯვების და საჩემპიონო ქამრის დაცვისთვის ილია დამატებით ბონუსებს და ბრძოლის გაყიდვიდან შემოსულ თანხას მიიღებს. საბოლოო თანხა კი 1-დან 3 მილიონ დოლარამდე იქნება.

თოფურიასა და ჰოლოუეის ჩხუბი აბუ დაბიში ჩატარდება.