პროდიუსერ სოსო აბზიანიძის ინფორმაციით, ვახტანგ კიკაბიძემ სიცოცხლის ბოლო პერიოდში დაწერა სცენარი “ქართველი-დიაგნოზი”.

როგორც პროდიუსერმა განაცხადა, მიმდინარეობს ოჯახის წევრებთან მოლაპარაკებები, რომ ამ სცენარის მიხედვით ფილმის გადაღება შესაძლებელი გახდეს.

ქართველი კინომსახიობი, საესტრადო მომღერალი, სცენარისტი, კინორეჟისორი, სიმღერების ავტორი ვახტანგ (ბუბა) კიკაბიძე 15 იანვარს, კლინიკა „ნიუ ჰოსპიტალში“, 84 წლის ასაკში გარდაიცვალა.

ვახტანგ (ბუბა) კიკაბიძის სამოქალაქო პანაშვიდები ქაშვეთის ეკლესიაში სამშაბათსა და ოთხშაბათს (17 - 18 იანვარს) გაიმართება. გამოსვენება კი ხუთშაბათს, 19 იანვარს, თბილისის დიდი საკონცერტო დარბაზიდან მოხდება.

ვახტანგ კიკაბიძეს, საკუთარი ანდერძის მიხედვით, ვერის სასაფლაოზე, ოჯახის წევრების გვერდით დაკრძალავენ.