რა გეგმა ჩაუგდო საქართველოს ხელისუფლებამ რუსეთს 2024 წელს - ამ საკითხზე რადიო "სივრცეში“  პოლიტოლოგმა მამუკა არეშიძემ ისაუბრა.

"თუ ვინმეს ჰგონია, რომ დღეს მოსკოვში კმაყოფილები არიან საქართველოს დღევანდელი ხელისუფლებით, ძალიან ცდება.  2024 წლის ზაფხულის ბოლოს, სერიოზული გეგმა ჩაუგდეს მოსკოვს, რომელიც ახალ სავაჭრო გზის გაჭრასთან იყო დაკავშირებული. ჩაუგდეს იმიტომ, რომ უარი თქვეს მოსკოვის შემოთავაზებაზე საქართველოს ტერიტორიულ მთლიანობასთან, კერძოდ კონფედერაციასთან დაკავშირებით“ - განაცხადა არეშიძემ.

მისი განმარტებით,  ყარაბახის მოვლენების შემდეგ, რუსეთმა იგრძნო სამხრეთ კავკასიაში თურქული კომპონენტის გაძლიერება და დივერსიფიცირებული მარშუტის შექმნა სცადა საქართველოსა და სომხეთის გავლით, რომელიც ზანგეზურის დერეფანს პერპენდიკულარულად გადაჭრიდა.