
როცა ფაქტობრივად ხელისუფლებას მართავ და მმართველი პარტიის საპატიო თავმჯდომარე ხარ, მე არ გთხოვ იმას, რისი ვალდებულებაც არ გაქვს ანუ არ გთხოვ ქველმოქმედებას, მე გთხოვ იმას, რისი ვალდებულებაც გაქვს ანუ იმას, რომ ქვეყანა არ გახადო საბჭოურ-ირანული უცნაური ჰიბრიდი, იმას რომ არ დევნო კრიტიკოსები და ისინი ვინც არ გეთანხმებიან და ა.შ. ამის შესახებ ანალიტიკოსი არჩილ გამზარდია სოციალურ ქსელში წერს, რითაც ბიძინა ივანიშვილის მიერ "ქრისთის" აუქციონზე იოანე ზოსიმეს ხელნაწერის შეძენას ეხება.
მისი თქმით, ქველმოქმედება დიდი სიკეთე შეიძლება იყოს მხოლოდ მაშინ, თუ ჯერ ვალდებულებას ასრულებ და მხოლოდ მას შემდეგ ნებას.
"თუ დაიცავ დემოკრატიის ელემენტარულ წესს, დაიცავი ადამიანი, მათ შორის ისინიც, ვინც არ მოგწონს, მაშინ შენი ქველმოქმედება კიდეც გამახარებს, კიდეც მადლიერი დავრჩები და კიდეც პირველი დავიძახებ ამას, მაგრამ სანამ მდევნი და მაშორებ ჩემს საუკუნოვან ოცნებას - ევროპას, მაშინ სიკეთის აქტიც კი შეიძლება პოპ მარკეტინგში ჩაგითვალო და არა სათნოებაში, რისთვისაც ქველმოქმედება უნდა ხდებოდეს" - წერს გამზარდია.
0
0
გარი კასპაროვი: ტრამპი რუსეთის აგენტია
29/08/2025