ქუთაისში, 34 წლის მარეხ ბაზაევს მე-11 შვილი შეეძინა. ინფორმაციას კლინიკა "ბომონდი" ავრცელებს.

მას უკვე 6 ვაჟი და 5 გოგონა ჰყავს.

როგორც ახალგაზრდა ქალი ამბობს, მისი მეუღლე დედისერთაა, რის გამოც გადაწყვიტეს, მათ შვილებს ბევრი დედმამიშვილი ჰყოლოდათ.

“17 წლის მყავს უფროსი შვილი. ბაღდათში ვცხოვრობთ. უფროსები მეხმარებიან, რაც შრომას მიადვილებს. რა თქმა უნდა, რთულია მრავალშვილიანი დედობა. მადლობა მინდა გადავუხადო “კლინიკა ბომონდს”, მის გუნდს. აქ თავს ისე ვგრძნობ, როგორც საკუთარ სახლში,”-ამბობს მარეხ ბაზაევი. 
 

მრავალშვილიან დედას კლინიკისგან სიმბოლური საჩუქარი გადაეცა.