ავსტრიის ქალაქ პურკერსდორფში 27 წლის ქართველი დააკავეს. ის აფთიაქებისა და სუპერმარკეტების ქურდობებშია ეჭვმიტანილი. ამის შესახებ ავსტრიული მედია წერს.

გავრცელებული ინფორმაციით, გამოძიება სუპერმარკეტის თანამშრომლის შეტყობინების საფუძველზე დაიწყო. როგორც ავსტრიული მედია წერს, ჩხრეკა თავდაპირველად წარუმატებელი აღმოჩნდა, მაგრამ როდესაც პოლიციის ოფიცერი 1-ელ აგვისტოს სუპერმარკეტში გამოსაძიებლად დაბრუნდა, სავარაუდო ქურდი მას პრაქტიკულად შეეჯახა. სუპერმარკეტის თანამშრომელმა მამაკაცი იცნო და ის დროებით დააკავეს.

ქართველ მამაკაცს ჯამში ექვსი ქურდობა დაუმტკიცდა. მთლიანი ზიანი, დაახლოებით 1500 ევროს შეადგენს. მამაკაცმა დანაშაული აღიარა და სენტ-პოლტენის პროკურატურის ბრძანებით ციხეში გადაიყვანეს.