ივანე ჯავახიშვილის სახელობის თბილისის სახელმწიფო უნივერსიტეტმა Quacquarelli Symonds-ის (QS) მიერ შედგენილ მსოფლიოს საუკეთესო უნივერსიტეტების რეიტინგში 2025 წლისთვის, 791-ე ადგილი დაიკავა. საერთო ჯამში, რეიტინგში  1500 უნივერსიტეტია. თსუ სიაში ერთადერთი ქართული უნივერსიტეტია. დასავლეთ აზიის რეგიონში ის მე-18 ადგილზეა, ევროპაში - 390-ზე.

სამხრეთ კავკასიის რეგიონის უნივერსიტეტებიდან - ერევნის სახელმწიფო უნივერსიტეტი 901-ე ადგილზეა,  ბაქოს უნივერსიტეტი კი 951-ზე.

რეიტინგის შედეგები ეფუძნება 17,5 მილიონი სამეცნიერო ნაშრომის ანალიზს, ასევე მასწავლებლებისა და დამსაქმებლების 240 ათასზე მეტ მოსაზრებას. ავტორებმა გაითვალისწინეს შემდეგი კრიტერიუმები:

აკადემიური რეპუტაცია;
დამსაქმებლის რეპუტაციის თანაფარდობა სტუდენტებისა და მასწავლებლების მიმართ;
მეცნიერების ციტირების ინდექსი;
საერთაშორისო მასწავლებელთა თანაფარდობა;
უცხოელი სტუდენტების კოეფიციენტი;
განვითარების მდგრადობა;
დასაქმების შედეგები;
საერთაშორისო კვლევითი ქსელი;
მაქსიმალური 100-დან, თსუ-ის საერთო ქულა 22,7-ია. უნივერსიტეტს უმაღლესი შეფასება აქვს კრიტერიუმებში- „დასაქმების შედეგები“ 88,4 და „მასწავლებელ-სტუდენტის თანაფარდობა“ -  73,9.

ტოპ 10 საუკეთესო უნივერსიტეტი კი ასე გამოიყურება:

მასაჩუსეტსის ტექნოლოგიური ინსტიტუტი;
ლონდონის საიმპერატორო კოლეჯი;
ოქსფორდის უნივერსიტეტი;
Ჰარვარდის უნივერსიტეტი;
კემბრიჯის უნივერსიტეტი;
სტენფორდის უნივერსიტეტი;
შვეიცარიის ფედერალური ტექნოლოგიური ინსტიტუტი ციურიხი (ETH Zurich);
სინგაპურის ეროვნული უნივერსიტეტი;
ლონდონის საუნივერსიტეტო კოლეჯი;
კალიფორნიის ტექნოლოგიური ინსტიტუტი.