ქობულეთში, ამინდის გაუარესების გამო, 25 დეკემბერს დაგეგმილი კონცერტი გადაიდო - განცხადებას ამის შესახებ, მუნიციპალიტეტის მერია ავრცელებს.

მათივე ინფორმაციით, მთავრობის ადმინისტრაციის ორგანიზებით დაგეგმილი კონცერტი, 28 დეკემბერს გაიმართება.

„შექმნილი რთული მეტეოროლოგიური მდგომარეობის გამო, მთავრობის ადმინისტრაციის ორგანიზებით დაგეგმილი კონცერტი - ახალი წლის დღეები ნაცვლად 25 დეკემბრისა,  28 დეკემბერს გაიმართება.  ქობულეთი, დავით აღმაშენებლის გამზირი N 141. მერიის მიმდებარე ტერიტორია. 28 დეკემბერს, ცენტრალურ მოედანზე ველოდებით ყველას.  ერთად აღვნიშნოთ ახალი წლის დღეები საქართველოში“,- ნათქვამია, ქობულეთის მერიის მიერ გავრცელებულ განცხადებაში.