პორტუგალიაში ევროპის ჩემპიონატი მიმდინარეობს. ახალგაზრდებს შორის სინქრონულ ხტომაში მაია ბოჭორიძისა და ანა ლაპიაშვილის წყვილმა ევროპის ჩემპიონობა ზედიზედ მეორედ იზეიმა.

ბატუტზე მხტომელებმა დაგროვებული 46.300 ქულით პირველი ადგილი დაიკავეს და ოქროს მედლებს დაეუფლნენ. მეორე ადგილზე აზერბაიჯანელები, მესამეზე კი პოლონელები გავიდნენ.

მიმდინარე ევროპის ჩემპიონატზე მაია ბოჭორიძისა და ანა ლაპიაშვილისთვის ეს  მეორე მოპოვებული ოქროა. ჩემპიონობა მათ გუნდურ ასპარეზობაში ნინო ქორიძესთან ერთად იზეიმეს და საქართველოს ისტორიული მედლები მოუტანეს. 

შეგახსენებთ, რომ სინიორებს შორის გუნდურ ასპარეზობაში ვერცხლის მედლები მოიპოვა საქართველოს ნაკრებმა - ლუბა გოლოვინას, მარიამ რაგიმოვის, ანანო აფაქიძისა და თეონა ჯანჯღავას შემადგენლობით.