ქართველმა სთრონგმენებმა მონაწილეობა მიიღეს ევროპის ,,არნოლდ კლასიკის" ჩემპიონატში. ტურნირის აბსოლუტური ჩემპიონი გახდა ნიკა ლეკაიძე (+110 კგ). ის ერთადერთი სპორტსმენი იყო, რომელმაც ხუთივე მოძრაობა დაძლია. ინფორმაციას სპორტის სამინისტრო ავრცელებს. მათივე ცნობით, „არნოლდ კლასიკზე" ცალკეულ მოძრაობაში ბრინჯაოს მედალი გიორგი ონიანმა მოიპოვა, ოქროს მედალს კი ლაშა ჯოხაძე დაეუფლა.

ევროპის „არნოლდ კლასიკზე" ქართველი სთრონგმენები საქართველოს კულტურისა და სპორტის სამინისტროს მხარდაჭერით იმყოფებოდნენ.