საგარეო საქმეთა კომიტეტის წევრი სენატორი ჯინ შაჰინი „გრანტების შესახებ“ საქართველოს კანონში ცვლილებებს ეხმაურება. ამის შესახებ შაჰინი სოციალურ ქსელ „იქსზე“ წერს.

„„ქართული ოცნების“ მიერ არასამთავრობო ორგანიზაციების ჩასახშობად კიდევ ერთი კანონპროექტის დაჩქარებული წესით მიღება არის კიდევ ერთი ნაბიჯით უკან დახევა დემოკრატიული მომავლისგან, რომელიც ქართველ ხალხს სურს. პოლიტიკურ ლიდერებს არ უნდა ეშინოდეთ ქართველი ხალხის. ქართული სამოქალაქო საზოგადოება მკვეთრად დამოუკიდებელი აქტორები არიან“, – წერს შაჰინი.