პარლამენტმა გია ცაგარეიშვილის ადგილმონაცვლედ არჩილ გორდულაძის უფლებამოსილება ცნო.

პარლამენტის დადგენილების პროექტი გორდულაძისთვის უფლებამოსილების მინიჭების შესახებ პარლამენტის პლენარულ სხდომაზე განიხილეს და კენჭი უყარეს. არჩილ გორდულაძის უფლებამოსილების საკითხს მხარი 77-მა დეპუტატმა დაუჭირა.

ცნობისთვის, გია ცაგარეიშვილს, რომელიც ჯანდაცვის მინისტრის მოადგილედ 20 ივნისს დაინიშნა, პარლამენტის წევრის უფლებამოსილება ვადაზე ადრე გუშინ შეუწყდა. ის 2022 წლიდან საქართველოს X მოწვევის პარლამენტის წევრი და ფრაქცია „ქართული ოცნების“ თავმჯდომარის პირველი მოადგილე იყო.