ქალთა ჩოგბურთის ასოციაციამ (WTA) სპორტსმენებისთვის სქესის დასადგენად სავალდებულო გენეტიკური ტესტირება შემოიღო.

ჩოგბურთელები SRY გენზე (მამრობითი Y-ქრომოსომის გენი) ჩააბარებენ ტესტს. სპორტული ჟურნალისტის, ბენ როტენბერგის ინფორმაციით, უარის თქმის შემთხვევაში, მათ შესაძლოა ტურნირებზე მონაწილეობის უფლება არ მისცენ.ეს აუცილებელია WTA-ის შეჯიბრებებში მონაწილეობის უფლების შესანარჩუნებლად.

წესები ძალაში 1 ივლისიდან შევიდა. დადებითი პასუხის შემთხვევაში, ჩოგბურთელი ვალდებული იქნება, დამატებითი გამოკვლევა ჩაიტაროს, რათა ასეთი შედეგის მიზეზი დადგინდეს.