„ოქროს ბურთის“ დაჯილდოვების ცერემონიაზე გამოავლინეს წლის საუკეთესო ქალთა გუნდი. პრიზი მიიღო „ბარსელონამ“, რომელმაც მოიგო ესპანეთის სუპერთასი (ფინალში 3:0 დაამარცხა „სოსიედადი“), ჩემპიონთა ლიგა (ფინალში მოუგო „ვოლფსბურგს“) და ლა ლიგა, რომელშიც 30 მატჩში 28 მოიგო და მხოლოდ ერთხელ დამარცხდა. ჩემპიონმა 85 ქულა დააგროვა და 118 გოლი გაიტანა.

პრიზის მისაღებად სცენაზე ავიდა „ბარსელონას“ პრეზიდენტი ჟოან ლაპორტა.