აშშ-ის პრეზიდენტმა დონალდ ტრამპმა ამერიკელ ჟურნალისტ გლენ ბეკთან ინტერვიუში განაცხადა, რომ ვოლოდიმირ ზელენსკის ხელში კოზირები არ უჭირავს, თუმცა სულ უფრო მეტს ითხოვს.

„რუსეთს ბევრი ჯარისკაცი და დიდი არმია ჰყავს. როდესაც ზელენსკი ოვალურ კაბინეტში იყო, მე ომის დასრულებაზე ვსაუბრობდი. ის ომის შემდგომი უსაფრთხოების პირობებზე გაჰყვიროდა. ის სულ უფრო და უფრო მეტს ითხოვს, ხელში კი არანაირი კოზირი არ უჭირავს. სწორედ ჩემი ძალისხმევის წყალობით არის რუსეთის პრეზიდენტი ვლადიმერ პუტინი მზად სამშვიდობო შეთანხმების დასადებად.

პუტინი ამას არავისთვის გააკეთებდა, ჩემს გარდა. ვფიქრობ, მას უნდოდა, ბოლომდე წასულიყო, მაგრამ ახლა მე მზად ვარ მოლაპარაკებისთვის, რაც, ჯერჯერობით, მასთან უფრო ადვილია, ვიდრე ზელენსკისთან“, - ხაზგასმით აღნიშნა ტრამპმა.