საფრანგეთის პრეზიდენტმა, ემანუელ მაკრონმა განაცხადა, რომ კრემლის ხელმძღვანელთან, ვლადიმირ პუტინთან სატელეფონო საუბრის მიზეზი არ აქვს. ამის შესახებ მან ტელეარხ Franceinfo-სთვის მიცემულ ინტერვიუში განაცხადა.

ამასთან, საფრანგეთის პრეზიდენტმა დასძინა, რომ ტელეფონს უპასუხებდა, თუ პუტინი მას დაურეკავდა.

„ახლა არ მაქვს მიზეზი, რომ დავურეკო... თუ დამირეკავს, რომ რამე შევთავაზო, დავთანხმდები, რადგან საფრანგეთი ყოველთვის იყო დიალოგის ხელშემწყობი სახელმწიფო“, - განაცხადა მაკრონმა.

უკრაინაში რუსეთის სრულმასშტაბიანი შემოჭრის დასაწყისში მაკრონი რეგულარულად ურეკავდა პუტინს ტელეფონით.