როგორც ლუიზიანას სენატორმა ჯონ ნილი კენედიმ Fox News-ის ეთერში განაცხადა, შეერთებულმა შტატებმა მკაფიოდ უნდა განუმარტოს რუსეთის პრეზიდენტ ვლადიმერ პუტინს, რომ ამერიკის მთავრობა მზადაა, რომ თავად პუტინი და რუსეთის ფედერაცია ,,თევზის საკვებად’’ აქციოს. 

„არ მგონია, სიტუაცია გამოსწორდეს მანამ, სანამ ბატონ პუტინს არ გავაგებინებთ, რომ ჩვენ მზად ვართ, ის და მისი ქვეყანა თევზის საკვებად ვაქციოთ. მე არ ვსაუბრობ ბირთვულ იარაღზე ან ბირთვულ ომზე. პირველ რიგში, ნავთობით დავიწყებდი. როგორ გამოვიყენებდი ამ მეთოდს? სიამოვნებით აგიხსნით, თუ დაინტერესებული ხართ“, - განაცხადა კენედიმ Fox News-ის ეთერში. 

მანამდე კი, ამერიკელმა ინვესტორმა დევიდ საქსმა სოციალურ ქსელ X-ში განაცხადა, რომ რუსები ამერიკელებისთვის მტრები არ არიან.