რუსეთის პრეზიდენტმა, ვლადიმერ პუტინმა, შესაძლოა, G20-ის სამიტში მონაწილეობა მიიღოს, - ამის შესახებ Bloomberg-ი ანონიმურ წყაროზე დაყრდნობით წერს.

გამოცემის ცნობით, გასულ წელს, ომის გამო, პუტინმა უარი თქვა ინდონეზიაში ლიდერთა შეხვედრაზე და მის ნაცვლად საგარეო საქმეთა მინისტრი სერგეი ლავროვი გააგზავნა. პუტინმა ასევე გამოტოვა G20-ის სამიტი რომში მაშინ, როდესაც უკრაინაში შეჭრას გეგმავდა.

ცნობისთვის, G20-ში ავსტრალია, არგენტინა, ბრაზილია, დიდი ბრიტანეთი, ინდოეთი, ინდონეზია, იტალია, კანადა, ჩინეთი, სამხრეთ კორეა, მექსიკა, გერმანია, რუსეთი, სამხრეთ აფრიკა, საუდის არაბეთი, აშშ, თურქეთი, საფრანგეთი, იაპონია და ევროკავშირი შედიან.